தமிழ் டுடே

தமிழ்த் திரைப்பட தயாரிப்பாளர்கள் சங்க நிர்வாகிகள் பொதுக்குழு கூட்டாமல் செயலற்ற நிலையில், இருப்பதை கண்டித்து சங்கத்தின் உறுப்பினர்களின் கண்டனம் மற்றும் ஆலோசனை கூட்டம் தனியார் விடுதியில் நடைபெற்றது.

இக்கூட்டத்தில் உறுப்பினர்கள் பேசும்போது, சங்கத்தின் நிர்வாகிகள் வருடந்தோறும் கூட்ட வேண்டிய பொதுக்குழு கூட்டத்தைக் கூட்டாமல் இருப்பதால், பொதுக்குழு கூட்டத்தைக் கூட்ட வலியுருத்தியும், கலைஞர் நூற்றாண்டு விழா குறித்தான முறையான வரவு, செலவு கணக்கு வழக்குகளை உறுப்பினர்களுக்கு தெரியப்படுத்த வேண்டும். கேபிள் டிவி விவகாரத்தில் நிர்வாகிகளின் முடிவு என்னவென்பதை தெளிவாக தெரியப்படுத்த வேண்டும் என்பன உள்ளிட்ட பல்வேறு கோரிக்கைகளை வலியுறுத்தி பேசினர்.

இக்கூட்டத்தில் தங்க சேகர், திருமலை, ராஜேஸ்வரி, மணிமாறன், தமிழரசு, சண்முகம், ஜெயக்குமார், சிவக்குமார், வடிவேல், சுரேஷ் கண்ணன், வெற்றி வீரபாண்டி, இளமாறன், தீர்த்தமலை, ராஜ சிம்மன் உள்ளிட்டோர் கலந்து கொண்டனர்.

தமிழ்த் திரைப்பட தயாரிப்பாளர்கள் சங்க நிர்வாகிகள் பொதுக்குழு கூட்டாமல் செயலற்ற நிலையில், இருப்பதை கண்டித்து சங்கத்தின் உறுப்பினர்களின் கண்டனம் மற்றும் ஆலோசனை கூட்டம் தனியார் விடுதியில் நடைபெற்றது.

இக்கூட்டத்தில் உறுப்பினர்கள் பேசும்போது, சங்கத்தின் நிர்வாகிகள் வருடந்தோறும் கூட்ட வேண்டிய பொதுக்குழு கூட்டத்தைக் கூட்டாமல் இருப்பதால், பொதுக்குழு கூட்டத்தைக் கூட்ட வலியுருத்தியும், கலைஞர் நூற்றாண்டு விழா குறித்தான முறையான வரவு, செலவு கணக்கு வழக்குகளை உறுப்பினர்களுக்கு தெரியப்படுத்த வேண்டும். கேபிள் டிவி விவகாரத்தில் நிர்வாகிகளின் முடிவு என்னவென்பதை தெளிவாக தெரியப்படுத்த வேண்டும் என்பன உள்ளிட்ட பல்வேறு கோரிக்கைகளை வலியுறுத்தி பேசினர்.

இக்கூட்டத்தில் தங்க சேகர், திருமலை, ராஜேஸ்வரி, மணிமாறன், தமிழரசு, சண்முகம், ஜெயக்குமார், சிவக்குமார், வடிவேல், சுரேஷ் கண்ணன், வெற்றி வீரபாண்டி, இளமாறன், தீர்த்தமலை, ராஜ சிம்மன் உள்ளிட்டோர் கலந்து கொண்டனர்.

ரெய்ன் ஆப் ஆரோஸ் (Rain of Arrows) நிறுவனம் சார்பாக சுரேஷ் சுப்பிரமணியம் தயாரிப்பில் உருவாகியுள்ள படம் ‘பன் பட்டர் ஜாம்’. இயக்குநர் ராகவ் மிர்தாத் இயக்கியுள்ள இந்தப்படத்தில் பிக்பாஸ் சீசன் 5 வின்னரான ராஜு ஜெயமோகன் கதாநாயகனாக அறிமுகமாகிறார். கதாநாயகிகளாக ஆத்யா பிரசாத், பவ்யா ட்ரிக்கா நடித்துள்ளனர். மேலும் சார்லி, சரண்யா பொன்வண்ணன், தேவதர்ஷினி, மைக்கேல் தங்கதுரை, விஜே பப்பு உளிட்ட பலர் முக்கிய வேடங்களில் நடித்துள்ளனர். பாபு ஒளிப்பதிவில், ஜான் ஆப்ரகாம் படத்தொகுப்பில் உருவாகிவரும் இப்படத்திற்கு நிவாஸ் கே.பிரசன்னா இசையமைக்கிறார். இந்நிலையில் இப்படத்தின் இசை வெளியீட்டு நிகழ்வு  நடைபெற்றது. .

இந்த நிகழ்வில் நடிகர் ராஜூ ஜெயமோகன் பேசும்போது, இந்த வாய்ப்பு கிடைக்கறதுக்கு முக்கியமான காரணம் பிக் பாஸ் ஷோ தான்னு நினைக்கிறேன். அதுக்கு வாய்ப்பு கொடுத்த பெரிய மனிதர்களுக்கும். அதுல எனக்கு ஓட்டுப்போட்டு ஜெயிக்க வெச்ச அந்த மக்களுக்கு தான் நன்றி சொல்லணும். ஜியோ ஹாட்ஸ்டார்ல நானே எழுதி இயக்கி நடிச்சு அப்படி ஒரு படத்துக்கு ஒப்பந்தமாகி இருந்தேன். அந்த படத்த பண்ணிட்டு இருக்கும்போதுதான் இந்த வாய்ப்பு வந்தது. அது கொஞ்சம் தாமதமானதால் இதை பண்ணேன்.

இன்றைய ஜென்-சிக்கு ஒரு டீப்பான விஷயத்தை எப்படி ஷேர் பண்ணி கொடுக்கனும்னு தெரிஞ்ச ஒரு டைரக்டர். தான் ராகவ் மிர்தாத்.. எனக்கு ஒரு கிரவுண்ட் கொடுத்திருக்கீங்க. இது ஒரு படம். இவ்வளவு பேர் பாராட்டக்கூடிய ஒரு இடத்துல நிற்க வச்சிருக்கீங்க. உங்களுக்கு நான் ரொம்ப நன்றிக்கடன் பட்டிருக்கிறேன். இந்த படத்தோட எடிட்டர் ஜான் ஆப்ரகாம் இன்னொரு டைரக்டர்னு சொல்லலாம். தன்னோட டேபிள்ல படத்தை வேற மாதிரி மாத்துனாரு. அதுமட்டுமல்ல இது தயாரிப்பாளர் சுரேஷின் கதைங்கறதுனால ஈஸியா ஓகே ஆயிடுச்சு.

எல்லாருமே என்னை ஹீரோன்னு சொல்றாங்க. ஹீரோன்னா பொதுவா படத்துல அம்மாவ காப்பாத்துறவங்க, இல்ல. ஆபத்துல இருக்குறவங்களை காப்பாத்துறவங்க. ஆனா என்னை வெச்சி படம் எடுத்த தயாரிப்பாளரை காப்பாத்திட்டேன்னா அன்னைக்கு நான் ஹீரோன்னு. ஒத்துப்பேன்

எங்க படத்தை பார்க்குறதுக்கு ஒரு நல்ல காரணம் என்ன அப்படின்னா. தேவையில்லாத விஷயங்களெல்லாம் சொல்லாம உங்களை போட்டு தொந்தரவு பண்ணாம, உங்க டைம் மதிச்சு சீக்கிரமா முடியற மாதிரியான ஒரு படம் கொடுத்துருக்கோம். ஒரு முக்கியமான விஷயத்தை ஒரு நல்ல மெசேஜா சுகர் கோட் பண்ணி உங்களுக்கு  கொடுத்திருக்கார் இயக்குநர். இந்த எல்லாத்துக்குமே வந்து இசையமைப்பாளர் நிவாஸ் தான் காரணம். இந்த படம் வர்றதுக்கு முன்னாடி, நான் நடிக்கிறதுக்கு முன்னாடி எல்லாருக்கும் தெரிஞ்ச ஒரு முகம் நிவாஸ்

கண்டிப்பா நீங்க குடுக்கற பணம் வேஸ்ட் ஆகாது. நீங்க எல்லாரும் போய் குடும்பம், குழந்தைகளோட நம்பி பாக்கலாம். சொல்லப்போனா இது ஒரு மூணு ஹீரோ சப்ஜெக்ட். பப்பு, மைக்கேல், நான் எல்லாரும் சேர்ந்து நடிச்ச படம். இந்த படத்துல ஒரு குட்டி நயன்தாரா, ஒரு குட்டி அதிதி ராவ் ஹைதரி இருக்காங்க. இவங்க ரெண்டு பேருமே இந்த படத்துக்கு அப்புறம் அந்த ரெண்டு ஹீரோயின்களை விட பெருசா ஆகணும் அப்படின்னு சொல்லி வேண்டிக்கறேன்.

நானும் ஒரு டைரக்டர்னு. நினைக்கிறேன்ங்கறதுனால டைரக்டர்கிட்ட. அவர் சொல்றதை கீழ்ப்படிஞ்சு பண்ணி நடிக்கத்தெரியும். நான் அதை பண்ணிருக்கேன். இன்னைக்கு எந்த படம் ஓடும், எந்த படமும் ஓடாதுன்னு தெரியல. எந்த கதை நல்ல கதை, எந்த கதை எல்லாம் பண்ணக்கூடாதுன்னு தெரியல. ஒரு நைட்டுல எல்லாரும் என்ன வேணாலும் ஆகலாம். நாளைக்கு என்ன வேணாலும் ஆகும் அப்படின்ற மாதிரியான ஒரு இதுலதான் இருக்கு. இன்னைக்கு நீங்க பாக்குற ஒரே ஒரு புட் டெலிவரி ஆப்ல  பார்த்தா நிறைய சாப்பாடு இருக்கும். எந்த சாப்பாட நீங்க ஆர்டர் பண்ணனும்னு தெரியாது. ஆனா பன் பட்டர் ஜாம் தான் எல்லா ஊர்லயும், எல்லா கடைகளிலும் கிடைக்கும். பசிக்குதுன்னா எந்த கடையில வேணாலும் பன் பட்டர் ஜாம் நம்பி சாப்பிடலாம். நாளைக்கு இந்த சினிமா எனக்கு எதாவது கொடுத்தா திருப்பி சினிமாவுல தான் இருக்கணும்னு ஆசை. எனக்கு படம் தயாரிக்கனும்னு விருப்பம் இருக்கு.

ஒருத்தர் ஒரே ஒரு போன் கால்ல எங்க படத்த தமிழ்நாட்டுல இருக்குற எல்லாரும் திரும்பி பார்க்க வெச்சாரு. தளபதி விஜய் ஒரு போன் கால்ல எனக்கு பண்ணி கொடுத்தாரு. அவரு என்னை எப்படி பாக்குறாரு? அவருக்கு என்னை பிடிக்குமா? இல்ல என்ன விஷயத்துக்காக எனக்கு இத வாழ்த்துனார் அப்படிங்கறதெல்லாம் வந்து எனக்கு ரொம்ப பிரமிப்பாவும் இருக்கு. அவர் சொன்ன விஷயம் தான் இன்னைக்கு நிறைய பேருக்கு எங்க படம் தெரிஞ்சிருக்கு சமீபத்துல ஒரு நிகழ்வுல. அவரோட ரசிகர்களை  எல்லாம் பாத்து நீங்க எல்லாம் இல்லனா நான் என்ன பண்ண போறேன்னு தெரியலப்பா அப்படின்னாரு. நான் அவர்கிட்ட சொல்றேன் நீங்க இல்லனா நான் என்ன பண்ணுவேன்னு தெரியலண்ணா என்று பேசினார்.

ஜியோ ஹாட்ஸ்டார், ஜி.கே.எஸ் புரொடக்சன்ஸ், செவன் சீஸ் & செவன் ஹில்ஸ் புரொடக்சன்ஸ் நிறுவனங்கள் தயாரிப்பில், சிவா, கிரேஸ் ஆண்டனி, மாஸ்டர் மிதுன், அஞ்சலி, அஜு வர்க்கீஸ், விஜய் யேசுதாஸ் உள்ளிட்டோர் நடிப்பில், ராம் இயக்கத்தில் வெளிவந்துள்ள படம் “பறந்து போ”.

கதைப்படி.. சென்னையில் சிவா, கிரேஸ் ஆண்டனி தம்பதியருக்கு எட்டு வயதில் பையன் இருக்கிறான். தாய் சேலை வியாபாரம் செய்துவருகிறார். கோவையில் நடைபெறும் கண்காட்சியில் ஸ்டால் போட்டு வியாபாரம் செய்வதற்காக கோவை செல்கிறார். பையன் மிதுன் தந்தை சிவாவுடன் இருக்கிறான். சிவா வெளியில் சென்றபோது வீட்டில் தனியாக விளையாடுகிறான். அப்போது சில பொருட்கள் உடைபடுகிறது. எண்ணெய் டின்னும் உடைந்து சிதறி கிடக்கும் நிலையில், தந்தை உள்ளே வந்ததும் சிறிது கோபப்படுகிறார். பின்னர் பையன் முகத்தில் லேசாக அரைகிறார். இதனால் பையன் கோபப்பட்டு சாப்பிடாமல் அடம்பிடிக்க, பின்னர் சமாதனமாகி தந்தையை வீட்டிற்குள் பூட்டி வைத்துவிட்டு வெளியே விளையாட செல்கிறான்.

தாய், தந்தையின் அரவணைப்பில் தூங்க வேண்டும், சந்தோசமாக வெளியே செல்ல வேண்டும் என்கிற ஆசை அவனுக்குள் இருக்கிறது. சிவா பையனை சமாதானப்படுத்தி பைக்கில் வெளியே அழைத்துச் செல்கிறார். வழியில் பைக் கடனை வசூலிக்கும் நபர் இவரைப் பார்த்து துரத்த, தப்பித்து ஓடுகிறார். இதற்கிடையில் அவ்வப்போது மனைவியிடம் அலைபேசியில் பேசுகிறார். வீட்டிற்கு சென்றால் கடன்காரன் வருவான் என நினைத்து, தனது அம்மா வீட்டிற்கு சென்று உதவி கேட்கலாம் என செல்கிறார். அப்போது பையன் சில விஷயங்களுக்காக அடம்பிடிக்கிறான்.

மகனின் ஆசையை சிவா நிரவேற்றினாரா ? கடன் பிரச்சினையிலிருந்து மீண்டு வந்தாரா என்பது மீதிக்கதை..

தந்தை கதாப்பாத்திரத்தில் சிவா அச்சு அசலாக பொருந்தியிருக்கிறார். தனக்கே உரிய வழக்கமான நையாண்டி நடிப்புகளை ஓரம் கட்டிவிட்டு, இயக்குநர் போக்கில் தன்னை ஒரு நடிகராக நிரூபித்துள்ளார்.

நடுத்தர குடும்பத்தினரின் வாழ்க்கை முறையையும், குழந்தைகளின் கனவுகளையும், பெற்றோர் எவ்வாறு நடந்துகொள்ள வேண்டும் என்பதை தனது அற்புதமான திரைக்கதையின் மூலம், அழகாக காட்சிப்படுத்திய விதம் சிறப்பு.
அஞ்சலியின் கதாப்பாத்திரம் ரசிக்கும்படியாக உள்ளது. ஒளிப்பதிவாளரின் பணி சிறப்பு.

படத்தில் நடித்துள்ள நடிகர், நடிகைகள் அனைவரும் அவரவருக்கு கொடுக்கப்பட்ட பணிகளைச் சிறப்பாக செய்திருக்கிறார்கள்.

இராமநாதபுரம் மாவட்ட திராவிட முன்னேற்றக் கழகம் சார்பில் பல்வேறு இடங்களில் தமிழ்நாடு முதலமைச்சரின் “ஓரணியில் தமிழ்நாடு” எனும் உறுப்பினர் சேர்க்கை முகாமை இராமநாதபுரம் மாவட்ட செயலாளர் காதர்பாட்சா என்கிற முத்துராமலிங்கம் எம்.எல்.ஏ துவக்கி வைத்தார்.

மத்தியில் ஆளும் பாசிச பா.ஜ.க அரசு தமிழ்நாட்டு மக்களுக்கு இழைத்து வரும் அநீதிகளுக்கு எதிராக திராவிட மாடல் அரசு பல்வேறு நடவடிக்கைகளை எடுத்து வருகிறது. அதன் ஒரு பகுதியாக தமிழகத்தையும், தமிழ் மொழியையும் வஞ்சித்து வரும் பாசிச பா.ஜ.க அரசிற்கு எதிராக தமிழ்நாட்டு மக்களை சந்தித்து, முதலமைச்சரின் மகளிர் விடியல் பயணம், மகளிர் உரிமைத் தொகை, புதுமைப் பெண் திட்டம், தமிழ்ப் புதல்வன் திட்டம் உள்ளிட்ட திட்டங்களை இராமநாதபுரம் மாவட்டம் முழுவதும் எடுத்துக் கூறி, இராமநாதபுரம் மாவட்டத்தில் உள்ள நான்கு தொகுதிகளிலும், தொகுதிக்கு 90 ஆயிரம் உறுப்பினர்கள் வீதம் நான்கு தொகுதிகளுக்கு சுமார் நான்கு லட்சம் உறுப்பினர்களை சேர்க்க இலக்கு நிர்ணயம் செய்துள்ளனர்,

தி.மு.க நிர்வாகிகள் மற்றும் உறுப்பினர்கள் களப்பணியாற்றி அதிகளவு உறுப்பினர்கள் சேர்க்கும் முகாமிற்கான துவக்க நிகழ்ச்சி இராமநாதபுரம் திமுக மாவட்ட செயலாளர் காதர்பாட்சா முத்துராமலிங்கம் எம்.எல்.ஏ தலைமையில், இராமநாதபுரம் நகர் வடக்கு, தெற்கு, மண்டபம் மேற்கு ஒன்றியம், மண்டபம் மத்திய ஒன்றியம், மண்டபம் கிழக்கு ஒன்றியம், மண்டபம் பேரூர், மண்டபம் கிழக்கு ஒன்றியம், இராமேஸ்வரம் நடராஜபுரம் உள்ளிட்ட இடங்களில் நடைபெற்றது.

இந்நிகழ்வில் திராவிட‌ முன்னேற்றக்கழகத்தின் வண்ணமான கருப்பு, சிவப்பு வண்ணத்தில் சட்டையணிந்து இராமநாதபுரம் தெற்கு நகரில் 10-வது வார்டிலும், வடக்கு நகரில் 13-வது வார்டிலும் வீடு, வீடாகச் சென்று ஒவ்வொருவர் வீட்டிலும் தரையில் அமர்ந்து, மத்தியில் ஆளும் ஒன்றிய பாசிச பா.ஜ.க அரசு தமிழ்நாட்டுக்கு இழைத்து வரும் அநீதிகளை எடுத்துக்கூறியதுடன், தமிழ்நாடு முதலமைச்சர் மு.க.ஸ்டாலின் தலைமையிலான திராவிட மாடல் அரசு கடந்த நான்கு ஆண்டுகளாக தமிழக மக்களுக்கு செயல்படுத்தி வரும் நலத்திட்டங்களை விளக்கி உறுப்பினர் சேர்க்கை நடத்தினார்.

இந்த நிகழ்வுகளுக்கு  இராமநாதபுரம் வடக்கு நகர் செயலாளர், நகர் மன்ற தலைவர் ஆர்.கே.கார்மேகம், இராமநாதபுரம் தெற்கு நகர் செயலாளர் நகர் மன்ற துணைத் தலைவர் டி.ஆர். பிரவீன் தங்கம், மண்டபம் மேற்கு ஒன்றிய செயலாளர் கே.ஜே.பிரவீன், மண்டபம் மத்திய ஒன்றிய செயலாளர் வீ.முத்துக்குமார், மண்டபம் பேரூர் செயலாளர் அப்துல் ரகுமான் மரைக்காயர், மண்டபம் கிழக்கு ஒன்றிய செயலாளர் நிலோபர் கான், இராமேஸ்வரம் நகர் செயலாளர், இராமேஸ்வரம் நகர் மன்ற தலைவர் கே.இ. நாசர்கான் உள்ளிட்டோர் முன்னிலை வகித்தனர். மேற்கண்ட இடங்களின் தி.மு.க வார்டு செயலாளர்கள், கிளைக் கழக செயலாளர்கள் மற்றும் வார்டு கவுன்சிலர்கள் இந்நிகழ்விற்கான ஏற்பாடுகளை சிறப்பாக செய்திருந்தனர்.

எஸ்.பி.ஏ புரொடக்ஷன்ஸ் நிறுவனம் சார்பில் உருவாகி இருக்கும் படம் ‘மகேஸ்வரன் மகிமை’. இப்படத்தின் கதையை எழுதி இயக்கி தயாரித்து ஒரு முக்கியமான கதாபாத்திரத்திலும் நடித்துள்ளார் ஆர். தவமணி.
ஒரு முரட்டு சிவ பக்தனின் பக்தியை வெளிப்படுத்தும் வகையில், குடும்பம் சமூகம் சார்ந்த கதையாக இந்தப் படம் உருவாகியுள்ளது. இதன் ட்ரெய்லர் மற்றும் பாடல்கள் வெளியீட்டு விழா நடைபெற்றது. இவ்விழாவில் திரைப்பட தயாரிப்பாளர் மற்றும் விநியோகஸ்தர் சங்கத் தலைவர் கே. ராஜன் மற்றும் சிறு முதலீட்டுப் படத் தயாரிப்பாளர் சங்கத் தலைவர் அன்புச்செல்வன் ஆகியோர் சிறப்பு விருந்தினராகக் கலந்து கொண்டனர்.

இந்தப் படத்தின் கதை நாயகனாக ஹரிஹரன் நடித்துள்ளார். ஸ்ரீ செழியன் அவருக்கு ஜோடியாக நடித்துள்ளார். முக்கிய நகைச்சுவைப் பாத்திரத்தில் லொள்ளு சபா சாமிநாதன் நடித்துள்ளார். தயாரிப்பாளர் ஆர். தவமணி, ஆசிஃபா, சன் டிவி கோபி, மருது, தாமோதரன், மதுரை ரஜினி சோமு மற்றும் பலர் நடித்துள்ளனர். இப்படத்திற்கு சாலமன் ஒளிப் பதிவு செய்துள்ளார். பாடல்களுக்கு ஆர்.டி ஜீவா இசையமைத்துள்ளார்.
பின்னணி இசை லெஷ்வின், படத்தொகுப்பு கிரி.

இவ்விழாவில் தயாரிப்பாளர், விநியோகஸ்தர் சங்கத் தலைவர் கே. ராஜன் பேசும் போது, தமிழ் சினிமாவில் ஆண்டுக்கு 240 படம் தயாராகிறது, போன வருஷம் கணக்குப்படி. இதில் பூஜையோடு நின்ற படங்கள், கால்வாசி முடிந்த படங்கள், பாதி முடிந்த படங்கள், முடித்தும் வெளியிட முடியாத படங்கள் என்று எவ்வளவோ படங்கள் முடங்கிப் போய் உள்ளன. படம் எடுப்பதை விட வெளியிடுவது இன்னும் சிரமமாக உள்ளது. கியூபுக்கு பணம் கட்டுவது, பப்ளிசிட்டி என்று ஐம்பது லட்சம் தேவைப்படுகிறது. கியூப்புக்கு பணம் கட்ட முடியாமல் 60 -70 படங்கள் இருக்கின்றன.

சின்ன படங்கள் எப்போதும் குடும்பம், தர்மம் என்ற கதை கொண்டதாக இருக்கும். அவை மக்களுக்குத் தீங்கு செய்யாதவை. 200 கோடி 300 கோடி என்று எடுக்கப்படும் படங்களில் பெரிய பெரிய கதாநாயகர்கள் நடிக்கும் படங்களில் மது, குடி, கூத்து, போதை மருந்து, வெட்டு குத்து என்று சட்ட விரோத செயல்கள்தான் பெரிதாகக் காட்டப்படுகின்றன. சமூகம் சீரழிய சினிமாவும் ஒரு காரணம் என்று சொல்லும் படி அந்த படங்கள் இருக்கும். பெரிய படங்களில் 70% இப்படித்தான் உள்ளன. இது மாதிரி சின்ன பட்ஜெட் படங்களில் அப்படிக் காட்டப்படுவதில்லை. கோடிக்கணக்கான ரூபாய் செலவு செய்து  தீமையைப் பரப்புகிறார்கள். எனவே சின்ன பட்ஜெட்  படங்களை ஆதரியுங்கள் வெற்றி பெறச் செய்யுங்கள்.

தயாரிப்பாளர் தவமணி இந்தப் படத்தை யாரிடமும் கடன் வாங்காமல் தனது சொந்தக் காசில் எடுத்து முடித்து இருக்கிறார். அவர் யாருக்கும் பதில் சொல்ல வேண்டிய அவசியம் இல்லை. அவரை நான் பாராட்டுகிறேன். இப்படிப்பட்டவர்கள் சினிமாவுக்கு வரவேண்டும். இந்தப் படத்தை நான் வெற்றி பெற வேண்டும் என்று வாழ்த்துகிறேன் என்று பேசினார்.

சிறு முதலீட்டுத் தயாரிப்பாளர் சங்கத் தலைவர் அன்புச் செல்வன் பேசும்போது, நான் மிகவும் சிரமப்பட்டு தான் இந்த நிலைக்கு வந்திருக்கிறேன். தயாரிப்பாளர்களின் நிலைமைகளை நான் பார்த்துக் கொண்டே இருக்கிறேன். மிகவும் சிரமப்படுகிறார்கள். ஆனால் சினிமாவுக்கு எதிரி வெளியிருந்து வருவதில்லை. சினிமாக்காரர்கள் தான் சினிமாவுக்கு விரோதியாக இருக்கிறார்கள். எந்தப் படத்தைப் பற்றியும் தவறாகப் பேசுவது எதிர்மறை விமர்சனங்களைப் பரப்புவது சினிமாக்காரர்கள் தான். படத்தை பார்க்காமலேயே நன்றாக இல்லை, தேறாது, ஓடாது என்று பிரச்சாரம் செய்கிறார்கள். இப்போது நன்றாக ஓடிக் கொண்டிருக்கும் படங்களை எல்லாம் ஓடவில்லை என்கிறார்கள். ஏண்டா நீ படத்தை பார்த்தியா என்றால், அவன் சொன்னான் இவன் சொன்னான் என்கிறான். படத்தைப் பார்த்துவிட்டு விமர்சனம் செய்யுங்கள். அதுவும் விமர்சனம் நீங்கள் செய்யக்கூடாது. நீ விமர்சகன் கிடையாது.

உங்களுக்கு பிழைப்பு தரும் சினிமாவை ஏன் நீங்கள் விமர்சனம் செய்கிறீர்கள் ?அதுதான் உன் வேலையா ? இது அநியாயம் இல்லையா? மரியாதையாகப் படத்தை பார்த்து விட்டுப் பேசு, எவனோ பார்த்ததைப் பற்றி நீ விமர்சனம் செய்யாதே. இப்படி சினிமாக்காரர்களே விமர்சனம் செய்தால் இந்தத் துறை எப்படி உருப்படும் ? சினிமாக்காரர்களே சினிமா விமர்சனம் செய்வதை தவிர்க்க வேண்டும். அப்போதுதான் இந்த சினிமா உருப்படும். உண்மையிலேயே சினிமாவை நம்பினால் அது யாரையும் கைவிடாது என்று பேசினார்.

நிகழ்ச்சியில் படத்தில் நடித்திருக்கும் கதை நாயகன் ஹரிஹரன், ஆசிஃபா, லொள்ளு சபா சாமிநாதன், இசை அமைப்பாளர்கள் ஆர்.டி. ஜீவா, லெஷ்வின், இயக்குநர் சிதம்பரம், பாடல் ஆசிரியர்கள் செங்கதிர்வாணன், ஹேமந்த் குமார் ஆகியோர் கலந்து கொண்டனர்.